Buhay-Karnabal

by Dream Kitchen
(unreleased/demo, 1999)

Bakit ang buhay ng tao
Lagi na lang ganito
Paikut-ikot
Nakatatakot
Parang trumpo

Minsan nama'y
Akala mo
Isang payaso
Sa likod ng bawat patawa
Nakatago'y lungkot

Tulad rin lang 'yan ng ating samahan
Parang higanteng lobo
Lumilipad papalayo
O kaya'y ferris wheel
Na taas-baba
Nakahihilo
At bigla-biglang pumuputok

Bakit ang buhay ng tao
Lagi na lang ganyan
Para bang cotton candy
Na ubod ng tamis

Minsan naman
Akala mo'y
Mainit na popcorn
Na unti-unting kumukunat
Sa bawat nguya at ngata
Pero sige okey lang

Tulad rin lang 'yan ng ating samahan
Parang higanteng lobo
Lumilipad papalayo
O kaya'y roller coaster
Na bumibilis-bumabagal
At bigla-biglang bumubulusok

(instrumental)

Paikut-ikot
Nakakahilo
Taas-baba
Nakakasuka

Paulit-ulit
Ang kulit-kulit
Parang paslit
Kulit-bulilit

Nakakatakot
Bumubulusok
Bumabagsak
Nakakasindak

Kulit-bulilit
Parang paslit
Ang kulit-kulit
Paulit-ulit

Paikut-ikot
Taas-baba
Bumubulusok
Pailalim

Bata-batuta
Samperang muta
Kulit-bulilit
Ang kulit-kulit

Bata-batibot
Samperang kulangot
Bata-baluga
Samperang luga

Bata-batuta
Samperang muta
Kulit-bulilit
Ang kulit-kulit

Paulit-ulit
Ikut-ikot
Kakatakot
Bubulusok
Babagsak
Taas-baba
Pailalim
Nakakasuka
Umiindayog
Lumilipad
Papalayo...

lyric: aLfie vera mella
music: Dream Kitchen